तत्काल
अन्तर्राष्ट्रियसमाचार

चिनियाँ उपप्रधानमन्त्री वाङ याङ नेपाल भ्रमणमा

काठमाडौं । चीनका उपप्रधानमन्त्री वाङ याङ सोमबार नेपाल भ्रमणका लागि  नेपाल आइपुगेका छन् । त्रिभुवन अन्तर्राष्ट्रिय विमानस्थलमा  उनलाई संस्कृति, पर्यटन तथा नागरिक उड्डयन मन्त्री जितेन्द्रनारायण देवले स्वागत गरेका थिए ।  उनीसँगै २२ जना सहभागी रहेको जनाइएको छ । पाँच वर्षयता चीनबाट भएको यो नै सबैभन्दा उच्चस्तरीय भ्रमण हो ।

वाङ  पाकिस्तानको स्वतन्त्रता दिवसमा सहभागी जनाएर सिधै नेपाल आएका हुन । उनी चिनियाँ कम्युनिष्ट पार्टीको पोलिटब्युरो सदस्यसमेत रहेका  छन् ।

नेपाल बसाइँकाक्रममा चिनियाँ उपप्रधानमन्त्रीको टोलीले राष्ट्रपति विद्यादेवी भण्डारी, प्रधानमन्त्री शेरबहादुर देउवा तथा सत्तारुढ र विपक्षी दलका शीर्ष नेताहरुसँग छलफल गर्ने कार्यक्रम रहेको छ ।

भ्रमणकाक्रममा नेपाललेसमेत हस्ताक्षर गरिसकेको ‘वान बेल्ट वान रोड’ परियोजनाबारे पनि छलफल हुने बुझिएको छ ।

भोली चिनियाँ उपप्रधानमन्त्रीले बसन्तपुरस्थित हनुमानढोका दरबार पुनःनिर्माणको शिलन्याससमेत गर्ने कार्यक्रम रहेको छ ।