तत्काल
समाचारसमाज

आमरण अनशनको ११ औँ दिन, माग अझै पूरा भएन

काठमाडौँ ।

विभिन्न माग राखेर आमरण अनशनमा बसेका नेपालका आंशिक प्राध्यापक संघको माग ११ औँ दिन बितिसक्दा पनि पूरा भएको छैन ।

समयमै समस्याको पहिचान र समाधानमा ढिलाइका कारण अनशनकारी डा. महेश कुमार गजुरेलको अवस्था झनै नाजुक बनेको छ । शनिबारबाट बोल्न, बस्न र आवाज सुन्न नसक्ने भएका छन् । डा. गजुरेल असोज ११ गतेदेखि आमरण अनशनमा छन् ।

गजुरेलको रक्तचापमा देखिएको समस्या झनै बढेर गएको छ । केहि दिनदेखि मुटुको चाल बढी भएको, महत्वपूर्ण अंगहरु दिनप्रतिदिन शिथिल हुँदै गएको, मृगौलामा थप समस्या देखिएको र सुगरको मात्रा अत्यन्त्यै कम हुँदै गएको उनी संलग्न चिकित्सकले बताएका छन् ।

अनशनकारीको अवस्था यतिबिघ्न बिग्रदैँ जाँदापनि सम्बन्धित निकायबाट समाधानको प्रयास सम्मपनि नगरिनुले प्रश्नचिन्ह खडा गरेको छ । विश्वविद्यालय, शिक्षा मन्त्रालय र अर्थ मन्त्रालयको बाटो हुँदै क्याविनेटले कुनै निर्णय नगर्दासम्म समाधान नहुने आंशिकका मुद्धामा माग पूरा नभइन्जेल अनशन नरोकिने संघले जनाएको छ । हाल विश्वविद्यालयमा १४ सय २० आंशिक प्राध्यापक रहेका छन् ।

One thought on “आमरण अनशनको ११ औँ दिन, माग अझै पूरा भएन

  1. सुन्दर शर्मा

    केलाकेटीले मागेको चिज नपाए भोकै बस्छु खादै खान्न भनेझै गरी प्राध्यापकले घुर्क्याएको सुहाएन ।
    अहिलेका अांशिक प्राध्यापकहरू ३ दलका अंशियारा हुन भलै यसका केही खुपी भएकाहरू पनि होलान ।
    १० वर्ष अगाडीका जुसे करारले विश्वविद्यालयलार्इ ३० वर्ष पछाडी धकेलेको छ ।
    अहिलेका अांशिक प्राध्यापकमा विश्वविद्यालय टपगर्ने मध्येका ९५% ले अवसर पाएका छैनन ।
    केही अपवाद वाहेक जाँचमा चिट चोरेर, कापी जाँच्ने मान्छे खोजेर, बल्खुमा सम्बन्ध भएर जेनतेन पास गर्नेहरूको भिड हो यो ।
    रेक्टर म्याम अाफ्नो विषयमा अब्बल भएकाले पाटीको पुच्छर समातेर बैतरणी तरी स्थायी हुन खोज्ने यि अांशिक प्राध्यापकहरूका पक्षमा यहाँले नबोल्नुलार्इ मिडियाले गलत प्रचार गर्नु दुखद हो ।
    रेक्टर म्याम दृढ रहनुहोस् ।
    हामी तपार्इको पक्षमा छाै ।
    फेरीपनि मरिदिन्छु भनेर धम्क्याउनेलार्इ हैन,
    जुस खाएर अाउने करारबाट होर्इन,
    खुल्ला विज्ञापनबाट विश्वविद्यालयका टपरहरू अाउन सक्ने परिस्थिति बनाउनुहोस् ।
    पाटीका गोठाला भएका भरमा विश्वविद्यालयका प्राध्यापक नबनाउनुहोस् ।

Comments are closed.