मुख्य समाचारसमाचार

आंशिक प्राध्यापक र सरकारबिच भएको वार्ता निष्कर्शमा पुग्न सकेन

काठमाडौँ ।
नेपाल आंशिक प्राध्यापक र सरकारबिच भएको वार्ता आज निष्कर्शमा पुग्न सकेन ।
शिक्षा मन्त्रालयमा सोमबार साँझ भएको वार्तामा सरकारका तर्फबाट शिक्षामन्त्रालयका सहसचिव तथा योजना महाशाखाका प्रमुख डिल्ली रिमाल, अर्थ मन्त्रालयका सहसचिव उत्तरकुमार खत्री र त्रिभुवन विश्वविद्यलायका योजना महाशाखा प्रमुख प्रा.डा. ऋदिश पोखरेल रहेका थिए । यस्तै आंशिक प्राध्यापक संघबाट नरेन्द्र भण्डारी, केशव चन्द, राजेन्द्र गिरी लगायतको उपस्थिति थियो ।
वार्ता सकारात्मक रुपमा अगाडि बढेपनि निष्कर्शमा पुग्न सकेन आन्दोलनका संयोजक नरेन्द्र भण्डारीले बताए । उनले भने ‘वहाँहरुले मागहरुको फाइल क्रमशः अगाडि बढेकोले अनशन स्थगन गरेर वार्तामा आउन आग्रह गर्नुभयो, तर हामीले मानेनौँ’ । सोमबारको वार्ता र निष्कर्शको बारेमा मंगलबार छलफल गरि थप प्रतिकृया र कार्यक्रम तय गरिने भण्डारीले बताए ।
झण्डै ८० दिन देखिको आंशिकको आन्दोलन, धर्ना, रिले अनशन र बिगत १३ दिन देखि आमरण अनशन निष्कर्शमा पुग्न सकेको छैन । आन्दोलन लम्बिँदै जाँदा अनशनकारी डा. महेश कुमार शर्माको अवस्था जटिल बनेको छ ।

Leave a Reply

Your email address will not be published. Required fields are marked *