तत्काल
मुख्य समाचार

अनशनकारी डा. गजुरेलको अवस्था चिन्ताजनक

काठमाडौँ ।
१४ औँ दिनदेखि आमरण अनशनमा रहेका नेपाल आंशिक प्राध्यापक संघका अध्यक्ष डा. महेश कुमार गजुरेलको अवस्था चिन्ताजनक बनेको छ ।
आंशिकलाई करार लगायत विभिन्न माग राखि अनशन सुरु गरेका गजुरेलको स्वास्थ्य अवस्था एकदमै जटिल बनेको हो ।
डा. गजुरेल असोज ११ गतेदेखि आमरण अनशनमा बसेका छन् । गजुरेलको रक्तचाप, मुटु, महत्वपूर्ण अंग, मृगौलाको समस्या बढ्दैजाँदा अवस्था चिन्ताजनक बनेको चिकित्सकले बताएका छन् ।


यता संघ र सरकारबिचको सोमबारको वार्ताले कुनै निष्कर्श निकाल्न सकेको छैन । मंगलबार साँझ फेरी वार्ता हुने जनाइएको छ । वार्ताले निचोड निकाल्न ढिलो गरिरहँदा डा. गजुरेलको अवस्था झनै बिग्रँदै गएको सहअध्यक्ष ठमिन्द्र खतिवडाले बताए । उनले भने ‘यसरी नै अनशन लम्बिने हो भने केही भन्न सकिन्न, डा. गजुरेलको अवस्था एकदमै जटिल बनेको छ’ ।