तत्काल
अर्थ तथा बाणिज्यसमाचार

‘सुन तस्कारीमा शसस्त्र प्रहरीको संलग्नता’

काठमाडौं । अबैध ८८ केजी सुन तस्करीमा रसुवाको केरुङ नाकामा सुरक्षार्थ खटिएका शसस्त्र प्रहरीको संलग्नता रहेको पाइएको छ । महानगरीय अपराध महाशाखाले गत १९ भदौमा उक्त परिमाणको सुन बरामद गरको थियो ।

प्रहरीले सुन बरामद गरेसँगै सुन ओसार्न प्रयोग गरीएको गाडीका चालक मनोज अधिकारीसहितका तीनजनालाई पक्राउ गरेको थियो ।

प्रहरी स्रोतका सुन ल्याउन प्रयोग भएको गाडी चलाउन ड्राइभर खोजीदिने काम केरुङ नाकाको सुरक्षार्थ खटिएका शसस्त्र प्रहरीका जवान विष्णु पण्डितले गरेका थिए ।

पक्राउ परेका तीन चालकहरुले दिएको बयानका आधारमा नेपाल प्रहरीले तस्करीमा शसस्त्र प्रहरीको शंस्कास्पद भूमिकामाथि छानविन सुरु गरेको थियो ।

प्रहरीका अनुसार सुन ओसार्न १५ भदौमै गाडी रसुवाको केरुङ नाका हुँदै चीन पसेको थियो ।

त्यसैले काठमाडौं प्रहरी परिसरले अनुसन्धानका क्रममा उक्त दिन ड्युटीमा खटिएका सशस्त्र प्रहरीको नामावली माग्दै पत्राचार गरेको थियो ।