काठमाडौं । काठमाडौंमा भएको राष्ट्रिय प्रजातन्त्र पार्टीको महाधिवेशनमा भएको केन्द्रीय सदस्यका लागि भएको निर्वाचनको मतगणना सम्पन्न भएको छ । राति अबेरसम्म भएको मतदान सकिएको छ । यसअघि नै अध्यक्षमा कमल थापा निर्वाचित भइसकेका छन् ।
केन्द्रीय सदस्यमा विजय हुनेहरुमा रेखा थापा, कोमल वली, मीरा राणा, कुन्ती शाही र प्रतिभा राणा रहेको निर्वाचन समितिले जनाएको छ ।
अन्य निर्वाचित हुनेहरुमा बुद्धिमान तामाङ, विक्रम पाण्डे, राजाराम श्रेष्ठ, सुनिल थापा, जयन्द्र चन्द, धवल शम्शेर राणा, विक्रम थापा, राजेन्द्र लिङदेन, मोहन श्रेष्ठ र राजाराम गर्तौलालगायतका छन् ।
फागुन ६ गतेदेखि सुरु भएको अधिवेशनलाई आज औपचारिक कार्यक्रम गरी समापन गरिने बताइएको छ । यो राप्रपा नेपाल र राप्रपाबीच एकिकरण भएपछि भएको पहिलो महाधिवेशन हो ।
