तत्काल
अर्थ तथा बाणिज्यमुख्य समाचारसमाचारहाइड्रो/निमार्ण

माथिल्लो तामाकोशीको सुरूङको ‘ब्रेक थ्रू’ आइतबार

काठमाडौं । राष्ट्रिय गौरबको माथिल्लो तामाकोशी जलविद्युत आयोजनाको सुरुङको आइतबार ‘ब्रेक थ्रू’ हुने भएको छ । दोलखा जिल्लामा निर्माणाधीन ४ सय ५६ मेगावाटको यस आयोजनाको सुरुङको लम्बाई आठ दशमलब दुई किलोमिटर रहेको छ ।

आयोजनाको सिभिभलतर्फको काम ९० प्रतिशत सकिएको छ । आयोजनका प्रमुख विज्ञान श्रेष्ठका अनुसार इलेक्ट्रोमेकानिकलका लागि सामानहरु आयोजना स्थलमा पुर्याउने काम भइरहेको छ । त्यसैगरी खाँडीचौरदेखि सिंगटीसम्मको प्रवेश मार्ग कालोपत्रेको काम सडक विभागले अगाडि बढाएको छ ।

श्रेष्ठका अनुसार अहिले विद्युतगृह जडानको काम अगाडि बढेको छ । उनका अनुसार टर्बाइन र प्रसारणलाइन निर्माणको काम पनि जारी छ ।

प्रसारणलाइनका लागि चाहिने १ सय ४७ वटा पोलमध्ये १६ वटा मात्र निर्माण गर्न बाँकी छ ।

आगामी असार मसान्तसम्ममा सिभिलको काम सकेर विद्युत उत्पादन गर्ने आयोजनाको लक्ष्य छ । डिसेम्बर २०१८ देखि नियमित उत्पादन शुरु भए पनि सबै निर्माण सक्न थप ६ महिना लाग्ने छ ।

३५ अर्ब ३० करोड रुपैयाँ लागत रहेको यस आयोजनामा कर्मचारी सञ्चय कोषको १० अर्ब, नेपाल टेलिकमको ६ अर्ब, नागरिक लगानी कोषको र राष्ट्रिय बीमा संस्थानको समान २ २ अर्ब रुपैयाँ लगानी छ ।

त्यसबाहेक मन्त्रिपरिषदले चैत ०६६ मा उक्त आयोजनाका लागि ११ अर्ब आठ करोड रुपैयाँसम्म लगानी गर्ने निर्णय गरेको थियो । विनासकारी भूकम्प र भारतको नाकाबन्दीका कारण उक्त आयोजना करिब दुई वर्ष पछाडि धकेलिएको हो ।

Leave a Reply

Your email address will not be published. Required fields are marked *