झापा । नेकपा एमालेले सुखानीका सहिद दिवसको दिन पारेर शनिवारदेखि मेची महाकाली राष्ट्रिय अभियान शुरु गरेको छ । संविधान कार्यान्वयन तथा जागरणका लागि अभियान शुरु गरेको एमालेले दाबी गरेको छ । यो अभियान मधेशका ३३ स्थानमा १५ दिनसम्म चल्नेछ । यस अभियानमा पार्टीका अध्यक्ष केपी शर्मा ओली, वरिष्ठ नेता झलनाथ खनाल, नेता माधवकुमार नेपाल, उपाध्यक्ष वामदेव गौतम र भीमबहादुर रावल, स्थायी कमिटी सदस्य सुवास नेम्वाङलगायत नेताहरु सहभागी भएका छन् ।

शनिवार अभियानको शुरु गर्दै एमाले अध्यक्ष ओलीले भने, संविधान संशोधन जनभावना विपरित छ । नेपाल विरोधी रहेको बताए । यसकारण हामी संविधान शंसोधन हुन दिदैनौं, उनले दाबी गरे ।

झापाको काकडभिट्टाबाट सुरु हुने सो अभियान कञ्चनपुर हुँदै आगामी चैत ५ गते सुर्खेत पुगेर समापन हुनेछ । आजै झापाको बिर्तामोड र दमकमा अभियानअन्तर्गतका कार्यक्रम हुँदैछन् । संविधान कार्यान्वयन, निर्वाचन, समृद्धि, स्वाभिमान, राष्ट्रिय एकताका र सामाजिक सद्भावको नारा रहेको सो अभियानका लागि नेपाली, मैथिली, थारु, डोट्याली र भोजपुरी भाषामा प्रचार सामग्री वितरण गरिएको छ ।

यसरी एमालेले निर्वाचनलाई लक्षित गरी चालिएको अभियानले मधेशमा द्वन्द्व निम्त्याउँछ की यसले नयाँ सम्बन्ध विस्तार गर्छ त्यो हेर्न बाँकी छ ।