सप्तरी । नेकपा एमालेको मेची महाकाली अभियान अन्तरगत सप्तरीको राजविराजको आमसभामा भएको प्रहरीसँगको झडपमा ३ जनाको मृत्यु भएको दाबी गरिएको छ । तर प्रहरी प्रशासनले भने पुष्टि गरेको छैन् । एमालेको कार्यक्रम सकिएपछि फर्किने क्रममा मधेशी मोर्चाका कार्यकर्ता र प्रहरीबीच भएको झडपमा ३ जनाको मृत्यु भएको भनिएको छ । । एक जनाको उपचारको क्रममा धरानमा मृत्यु भएको जनाएको छ ।
एमालेको कार्यक्रम चलिरहँदा कार्यक्रमस्थलबाहिर भने मधेसी मोर्चाका कार्यकर्ता व्यापक प्रदर्शन गरेका थिए । सोक्रममा मोर्चाका कार्यकर्ता र प्रहरीबीच झडपसमेत भएको छ । स्थिति नियन्त्रणमा लिन प्रहरीले लाठीचार्ज, अश्रुग्यास र गोलीसमेत चलाएको छ ।
झडपमा दुइ दर्जन भन्दा बढी जनाभन्दा बढी घाइते भएका छन् । मोर्चाका कार्यकर्ताले एमाले कार्यक्रमबाट फर्किरहेकाहरुलाई लक्षित गरी पेट्रोलबम प्रहार गर्ने र सभास्थल जलाउने गर्न थालेपछि गोली चलाउनुपरेको प्रहरीको भनाइ छ ।
