तत्काल
अन्तर्राष्ट्रियसमाचारसमाज

अधिकारकर्मी कट्टेल भारतमा पक्राउः १८ घण्टाको नियन्त्रणपछि बैंकक फिर्ता

काठमाडौं । थाइल्याण्डको बैंककमा हेडक्वाटर भएको फोरम एसियाका निर्देशक मुकुन्दराज कट्टेललाई मंगलवार भारतीय प्रहरीले पक्राउ गरेको छ । उनलाई भारतको तामिलनाडुस्थित त्रिची विमानस्थलबाट पक्राउ गरिएको थियो । पक्राउपछि १८ घण्टा नियन्त्रणमा उनलाई फेरि बैंकक नै फर्काएको छ । नेपालीलाई भारतमा प्रवेश गर्दा भिसा चाहिदैन तर कट्टेललाई भिसाको कारण पक्राउ गरेको प्रहरीले जनाएको छ । पक्राउपरेपछि भारतीय प्रहरीले उनलाई कसैसँग पनि सम्पर्क गर्न नदिएको बताइएको छ ।

दिल्लीस्थित नेपाली दूतावासले  पक्राउपरेपछि चासो देखाए पनि कारण पत्ता लगाउन सकेन ।

उनी दुई दशकदेखि मानवअधिकारको क्षेत्रमा कार्यरत थिए । विनाकारण पक्राउ परेको भनिएपनि साचो कारण पत्ता लाग्न सकेको छैन् । अहिले उनी थाइल्याण्डमा रहेका छन् । उनको पक्राउलाई लिएर नेपालका मानवअधिकारकर्मीहरुले विरोध जनाएका छन् ।