काठमाडौं । कञ्चनपुरको पुर्नवासमा मारिएका गोविन्द गौतमको मत्यु भारतीय सीमा सुरक्षा बल (एसएसबी) को गोलीबाट भएको पष्टि भएको छ । नेपाल प्रहरीले तयार गरिएको फरेन्सिक रिपोर्टमा उनको मृत्यु एसएसबीको गोलीबाट नै भएको प्रमाणित भएकोे छ । यस रिपोर्ट अनुसार अब भारतले गौतम परिवारलाई श्रतपूर्ति तथा नेपालसँग माफी माग्नका लागि मार्ग प्रशस्त गरेको छ ।
भारतले माग गरे बमोजिम नेपाल सरकारले फरेन्सिक रिपोर्ट परराष्ट्र मन्त्रालयमार्फत काठमाडौंस्थित भारतीय दूताबासलाई उपलब्ध गराएकोछ । भारतीय हस्तक्षेपविरुद्ध उत्रिएका नेपालीहरुमाथि फागुन २६ मा एसएसबीले चलाएको गोली लागेर गौतमको निधन भएको थियो ।
दोषीमाथि कारबाही गर्नु पर्ने माग उठेपछि भारतले यसबारे छानविन गर्ने भन्दै फरेन्सिक रिपोर्ट दिन माग गर्दै आएको थियो । गृह मन्त्रालय स्रोतका अनुसार नेपाल प्रहरीको ल्याबबाट गरिएको परीक्षणमा गौतमलाई लागेको गोली एसएसबीकै भएको पुष्टि भएको छ ।
गृहमन्त्री भारत भ्रमणमा रहेको बेला पनि भारतीय सँग कञ्चपुर घटनाको बारेमा कुराकानी गरेको जनाइएको छ । र, भारतले उचित छानविन गर्ने प्रतिबद्धता जनाएको श्रोतले दाबी गरेको छ ।
