अन्तरजातिय विवाह गरेको गरेको भन्दै प्रहरीद्वारा पक्राउ

आजभोलि

अन्तरजातिय विवाह गरेको गरेको भन्दै प्रहरीद्वारा पक्राउ

हरि कोइराला । मोरङ । अन्तरजातिय विवाह गरेको थाहापाएपछि एक परिवारले प्रहरी लागाई एक पुरुषलाई पक्राउ गराएका छन् ।

झापाको साविक पृथ्वीनगर ४ की १७ वर्षीय एलिसा विष्टको परिवारले बाल विबाह गरेको भन्दै केटालाई प्रहरी लगाएर पक्राउ गराएको हो । ईलाका प्रहरी कार्यालय पथरीको टोलीले केटालाई शुक्रबार घरबाटै पक्राउ गरेको हो ।

मोरङको साविक बयरवन – ८ का राम दूधराज(विश्वकर्मा)सँग राजीखुसी भागेको ८ दिनपछि माइती पक्षले केटालाई घरबाटै पक्राउ गर्न लगाएको हो ।

गत चैत १६ गते भागेकी एलिसाले शुरूमा केटा क्षेत्री जातिको भएको भनेर ढाँटेकी थिइन् । त्यतिवेला सुन ब्यापारी केटासँग बिवाह भएको भन्दै परिवार समेत खुसी भएको एलिसाको भनाई छ ।

रामसँग बैवाहिक जीवन सुरु गरिसकेकी एलिसाले परिवारलाई जात ढाँटेको थाहापाएपछि जेठाजु सुरेनले माइतीलाई जात नढाँट्न भनेका थिए । जेठाजुको सल्लाह अनुसार नै एलिसाले आफ्नो केटो विश्वकर्मा भएको माइतीलाई बताएकी थिइन् ।

‘कार्की केटोसँग हिँडेभन्दा खुशी भएको एलिसाको परिवार ज्वाँई दलित भएको खुलेपछि बाल विबाह गरेको भन्दै कागजात जुटाउन लागि परेको दलित एकता सञ्जाल नेपालकी सचिव दुर्गा नेपालीले बताइन् । नेपालीले भनिन्, ‘जात क्षेत्री हो भन्ने हुँदासम्म एलिसा र रामको घरजम राम्रै थियो । तर विश्वकर्मा हो भन्ने थाहा पाउन साथ केटीलाई छुटाउन अनेक बहाना गरिएको छ ।’

रामका दाजु सुरेनले भने – जातकै कारण भाइ र बुहारीलाई छुट्ट्याएर राख्दा दुर्घटना भयो भने कसले जिम्मा लिने ? आँखाभरि आँशु पारेर सुरेनले थपे, – ‘जात कतिन्जेल ढाँट्न सकिन्छ, भनेर बुहारीलाई नढाट्न आग्रह गरेको हुँ । तर उनीहरूको घर नै बिग्रियो ।’

उता एलिसाकी दिदी सिर्जनाले कानूनी मान्यता पाउने विबाहका लागि २० वर्ष पुरा हुनुपर्ने भएकोले कानूनी उपचार खोजेको बताइन् । हामीले नावालक बहिनीलाई कसरी जिम्मा लगाउने ? सिर्जनाले त्यही केटासँग बिहे गर्ने हो भने केटाले अढाई वर्ष कुर्नुको विकल्प नभएको जिकिर उने गरिन् ।

इलाका प्रहरी कार्यालय पथरीका प्रहरी निरीक्षक राजन कार्की भने दुवै पक्षले आफ्ना छोरा छोरी बुझेर लैजाने बाहेक कुनै विकल्प नभएको बताउँछन् । उनले भने , ‘ हामीसँग न थुनामा राख्ने अधिकार छ, न बिहे गरेर पठाउन कानूनले दिन्छ ।’

तर केटा र केटी दुबै एक अर्काबीच बाँच्नै नसक्ने बताइरहेका छन् । पुरै समाजका अगाडि बेहोस समेत भएका केटाकेटीलाई घर गरी खान दिनु पर्ने दलित अधिकारकर्मीहरूको भनाई छ ।

 

 

  • २६ चैत्र २०७३, शनिबार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ३. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ४. गिरिजा-प्रचण्डले अर्ज्याको गणतन्त्रमा ओलीराज !
  • ५. सरिता गिरीको दाबी, मधेश अलग राष्ट्र हो !
  • ६. अमेरिकामा गोली हानी नेपालीको हत्या
  • ७. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • ८. विकल्प कि निर्विकल्प ? (फरक राजनीतिक विश्लेषण)
  • ९. स्ववियु निर्वाचन र नेविसघंको भूमिका
  • १०. नेकपा अर्थात् गफाडी क्लब !