रौतहट । तत्कालीन गाविस पतौराका सचिव शिवपुजन राय यादवलाई प्रहरीले किर्ते मुद्दामा पक्राउ गरेको छ । गाविस पतौरामा सचिव रहेको वेलामा निर्णय पुस्तिकामा अहेव सुरेन्द्र साहको सही नक्कली गरेको अभियोगमा प्रहरीले पक्राउ गरेको हो ।

२०७० साल पुष २५ गतेका दिन निर्णय पुस्तिकामा अहेव साहको सही सचिव यादवले गरी आर्थिक प्रलोभनमा पतौरा २ का सुनिल यादवलाई कार्यालय सहयोगी पदमा नियुतm गरेको भनी गाविस पतौरा १ का जोखु सहनीले अख्तियार दुरुपयोग अनुसंन्धानमा उजुरी दिएको थियो । २०७१ साल मंसिर ४ गतेका दिन उजुरी परी अनुसंन्धानको क्रममा आज जिल्ला प्रहरी कार्यालय रौतहटका प्रहरीले पक्राउ गरेको प्रहरी उपरिक्षक यज्ञ विनोद पोखरेलले बताए ।

गाउँ परिषदमा कार्यालय सहयोगीलाई भर्ना गर्ने कुनै छलफल नभए तापनि सचिव यादवले निर्णयको पुछारमा ठाउँ छाडी पछि  कार्यालय सहयोगीलाई भर्ना गर्ने निर्णय लेखिएको थियो । हाल शिवपुजन राय यादव गाविस वन्जरहामा कार्यरत रहेको जिल्ला समन्वय समिति रौतहटका सुचना अधिकृत सुभाष ठाकुरले बताए ।