आजभोलिका सह सम्पादक खड्कालाई कांग्रेसद्वारा ज्यान मार्ने धम्की

आजभोलि

काठमाडौं । स्थानीय तहको पहिलो चरणको क्रममा दोलखा जिल्लाको मेलुङमा घटेको समचारको विषयलाई लिएर आजभोलि अनलाइनका सह सम्पादक अस्मिता खड्कालाई जेठ ३ गते ज्यान मार्ने धम्की आएको छ । आफू स्थानीय कांग्रेस नेता रहेको बताउने एक व्यक्तिले आफ्नो पार्टी कांग्रेस बिरुद्ध समाचार लेखेको भन्दै ज्यान मार्ने धम्की दिएका हुन् । उनले फोन गर्दै जुन सुकै बेला पनि जे पनि हुन सक्ने भएकाले बचेर रहनु भन्ने चेतावनीपूर्ण धम्की दिएका थिए ।

सह सम्पादक खड्काले आफूले सत्य तथ्य समचार लेखेको कसैको बिरुद्ध नभएको बताएपछि झन आक्रोसित हुदै उनले तलाई अब म पत्रकारिता सिकाउछु, कसरी लेख्ने भनेर । तेरो हातले लेख्ने यो अन्तिम समाचार हुनेछ । अहिलेसम्म तैले अरुको समाचार लेखिस अब अरुले तेरो समाचार लेख्छन् भन्दै फोन राखेका थिए । पछि उक्त फोनमा सम्पर्क गर्दा सम्पर्क हुन सकेन् । त्यसपछि पार्टीको जिम्मेवार नेतासँग बुझ्न खोज्दा आनाकानी गरेर उत्तर नदिइ आफूलाई थाहा नभएको बताए ।

यही विषयलाई लिएर स्थानीय प्रहरीको उजुरी हाल्न खोज्दा प्रहरीले सत्ताको आँडमा प्रमाण नपुगेको भन्दै उजुरी दर्ता गर्न मानेन् । बारम्बार अनुरोध गर्दा पनि प्रहरीले कुनै चासो नदेखाएपछि उनी दोलखाबाट काठमाडौं विस्थापित भएका छन् । एक महिला पत्रकारमाथि पुरुषबाट भएको यो अन्याय महिलामाथिको हिंसा भए पनि राजनीतिक दबाबका कारण प्रहरीले जाहेरी लिन मानेन् । जसको कारण खड्का जीवन अझ जोखियुक्त बनेको छ।

समाचार लेखेकै भरमा एक स्वतन्त्र पत्रकारलाई ज्यान मार्ने धम्की आउनु र सम्बन्धित क्षेत्रमा काम गर्ने वातावरण नभएको भन्दै आजभोलिका सम्पादक गोपीकृष्ण भट्टराईले विरोध जनाएका छन् । उनले भने यस्ता घटना लोकतन्त्रमा सहन नसकिने र आफ्ना लागि सह्य नहुने बताए । र, उनले दोषी उपर कारबाही गर्न माग समेत गरेका छन् ।

  • ४ जेष्ठ २०७४, बिहीबार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ३. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ४. गिरिजा-प्रचण्डले अर्ज्याको गणतन्त्रमा ओलीराज !
  • ५. सरिता गिरीको दाबी, मधेश अलग राष्ट्र हो !
  • ६. अमेरिकामा गोली हानी नेपालीको हत्या
  • ७. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • ८. विकल्प कि निर्विकल्प ? (फरक राजनीतिक विश्लेषण)
  • ९. स्ववियु निर्वाचन र नेविसघंको भूमिका
  • १०. नेकपा अर्थात् गफाडी क्लब !