काठमाडौं । चर्चित मोडल तथा गायिका सरु खड्काले नयाँ आधुनिक गीत बजारमा ल्याएको छ । “पिजडाबाट” नामक एल्बममा उनले पिजडाबाट उडेकी चरी म…… भन्ने मुख्य गीत बाहिर बजारमा आएको छ । यसमा स्वर सरु खड्का आफैले दिएकी छिन् । शब्द चन्द्र केसी र संगीत पुरुषोत्तम नेउपानेको रहेको छ । यसमा मोडलिङ सरु खड्का तथा राजु श्रेष्ठ रहेका छन् । र, म्युजिक भिडियोको निर्देशन राज शाक्यले गरेका छन् ।
गीत पिजडाबाट उडेकी चरी म …….मा गायिका खड्काले आफ्नो स्वरमा निखारपन ल्याएकी छन् । जसले यसलाई निकै कर्णप्रिय बनाएको छ । यो गीत वियोगान्त रहेको छ । जसमा एउटा प्रेमीको विछोडको कथालाई आधार मानिएको छ । आफ्नो प्रेमीका छोडर विदेश गएको र उसको दुर्घटनामा परी मृत्यु भएको पीडामा आधारित रहेको छ ।
स्वर, शब्द, संगीत र भिडियोको राम्रो संयोजन मिलेको छ । गीतले धेरै परदेशमा रहेका नेपालीको पीडालाई उजागर गरेको छ । जसले यो गीत छोटो समयमा निकै चर्चाको शिखरमा पुगेको छ ।
