बझाङ । जिल्ला समन्वय समिति बझाङको निर्वाचनका अरु कुनै पार्टीको उम्मेद्वारी नपरेपछि नेकपा एमालेको प्यानल निर्विरोध निर्वाचित भएको छ । खड्कबहादुर खड्का जिल्ला समन्वय समितिको संयोजक र भागिरथी अवस्थी उप संयोजकमा निर्वाचित भएका छन् ।
उक्त समितिका सदस्यहरुमा महिलाबाट सरस्वती बोहरा, मेनका साउद, दलित महिलाबाट बिनिता सार्की निर्वाचित भएका छन् । दलित सदस्यमा गजेन्द्रबहादुर सार्की, तथा पुरुष सदस्यमा जन्मेजय जोशी, डबलबहादुर बोगटी र पदम धामी निर्वाचित भएका छन् ।
निर्वाचित पदाधिकारीहरुलाई शुक्रवार पदभार तथा सपथ ग्रहण गरेका छन् । नेपाली कांग्रेस तथा माओवादी केन्द्रले आफूले कुनै पदमा पनि दाबी गरेनन् । बझाङका १२ ओटा स्थानीय तहमा एमाले ८ र नेपाली कांग्रेस ४ ओटा तहमा विजय भएका थिए । माओवादी केन्द्रले भने कुनै पनि स्थानीय तहको नेतृत्वमा जीत हासिल पार्न सकेनन् ।
