काठमाडौ । वाम गठबन्धनबाट बाहिरिपछि नयाँ शक्ति नेपाल आफ्नै चुनाव चिन्हमा निर्वाचन लड्ने भएको छ । पछिल्लो प्राप्त जानकारी अनुसार नयाँ शक्ति नेपालले गोरखामा नेपाली कांग्रेससँग चुनावी तालमेल गर्ने भएको छ । अपुष्ट प्राप्त खबर अनुुसार केन्द्रको निर्वाचनमा २ क्षेत्र मध्ये एक नयाँ शक्ति एक नेपाली कांग्रेसलाई बराबरी बाँड्ने सहमती हुन सक्ने जानकारी प्राप्त भएको छ ।
प्रदेशको निर्वाचनमा भने ३ नयाँ शक्तिलाई एक नेपाली कांग्रेसलाई दिने कुरामा बहस चलेको छ । नेपाली कांग्रेसका एक जना केन्द्रीय नेताले दिएको जानकारी अनुसार नयाँ शक्तिसँग पनि चुनावी तालमेल हुन सक्ने बताएका छन् । उनका अनुुुसार कुनै सहमती नभएको तर तालमेल हुन सक्ने बताए ।
गोरखामा नयाँ शक्ति र नेपाली कांग्रेसबीच तालमेल भएमा माओवादी केन्द्र नेकपा एमालेलाई रोक्न सकिने दुबै पार्टीहरुको बुझाई रहेको छ । चुनावी तालमेल भएमा माओवादी केन्द्रका नेता नारायाणकाजी श्रेष्ठको राजनीति आधार भने सकिनेछ । उनलाई जित्नको लागि हम्मे पर्नेछ । यसले माओवादीलाई निकै घाटा हुने देखिएको छ ।
