कञ्चनपुर । कञ्चनपुरको डोकेबजार – दैजी हुलाकी राजमार्ग कालोपत्रेको काम तीब्र गतीमा अगाडी बढेको छ । नेपाली कांग्रेशका केन्द्रीय सदस्य रमेश लेखक भौतिक पूर्वाधार तथा यातायात मन्त्री भएको समयमा ठेक्का भई काम सुरु भएको सो हुलाकी मार्गको लम्बाई ६२ किलोमीटर रहेको छ ।
गत माघ ६ गते तत्कालिन भौतिक पूर्वाधार तथा यातायात मन्त्री रमेश लेखकले शिलान्यास गरेको उक्त हुलाकी राजमार्गको निर्माण कार्य तीब्र गतिमा भएको हुलाकी राजमार्ग आयोजना प्रमुख तुरुन्त मण्डलले बताए ।
दोस्रो संबिधानसभाको निर्वाचनको समयमा उक्त सडक खण्ड कालोपत्रेका लागि नेपाली कांग्रेशका नेता दिवान सिंह बिष्टले प्रतिबद्दता जनाएपछि उनको उक्त निर्वाचन जित्ने ठूलो आधार समेत बनेको थियो ।
बेलौरी–कलुवापुर सडकखण्डको स्तरोन्नतिका लागि तत्कालिन सांसद दिवान सिंह बिष्ट, एनपी साउँद र बहादुर सिंह थापाको महत्वपूर्ण भूमिका रहेको थियो । यी तीनै नेता नेपाली कांग्रेशबाट निर्वाचित व्यक्ति हुन् । सम्वन्धित क्षेत्रलाई विकाशको मूलधारमा लैजानका लागि महत्वपूर्ण मानिने सडकको स्तरोन्नतिमा कञ्चनपुरकै विकाश प्रेमी नेता रमेश लेखक भौतिक पूर्वाधार तथा यातायात मन्त्री हुँदा विकाशको सुरुवात भएको छ ।
