काठमाडौँ । एएफसी १९ वर्षमुनि च्याम्पियनसिप छनोटमा सहभागी हुन नेपाली युवा फुटबल टोली कीर्गिस्तान लागेको छ । समूह ‘ए’ मा परेको नेपालले कीर्गिस्तान, ओमान, संयुक्त अरब इमिरेट्स र बहराइन सामना गर्ने छ । नेपालले मंगलबार कीर्गिस्तानको खेल्ने छ ।
कात्तिक १४ गतेदेखि सञ्चालन हुने सो प्रतियोगितामा सहभागि हुने खेलाडिलाई नेपाली टोलीलाई राष्ट्रिय खेलकुद परिषद्का सदस्य सचिव केशवकुमार विष्ट, अखिल नेपाल फुटबल संघका अध्यक्ष नरेन्द्र श्रेष्ठलगायतले आज बिदाइ गरेका छन् ।
नेपालले आफ्नो दोस्रो खेल कात्तिक १६ गते बहराइनसँग, तेस्रो खेल कात्तिक १८ गते युएइसँग र चौथो खेल कात्तिक २२ गते ओमानसँग खेल्नेछ ।
समूहको शीर्ष स्थानमा रहने टोली फाइनल चरणमा प्रवेश गर्नेछ । त्यस्तै दोस्रो स्थान हासिल गर्नेमध्ये उत्कृष्ट पाँच टोली र आयोजक फाइनल चरणका लागि छनोट हुनेछन् ।
फाइनल चरणमा छनोट हुने टोलीले सन् २०१८ मा हुने एएफसी यू–१९ च्याम्पियनसिपमा सहभागिता जनाउने छ।