छापिने भो छुट्टा छुट्टै मतपत्र

आजभोलि

काठमाडौं । आयोगले प्रदेश र प्रतिनिधि सभाको प्रत्यक्षतर्फको लागि छुट्टा छुट्टै मतपत्र छाप्ने निर्णय आज आइतबार गरेको छ । सर्वोच्च अदालतको आदेश अनुसार प्रत्यक्षतर्फ छुट्टा छुट्टै मतपत्र छाप्ने निश्कर्षमा निर्वाचन आयोग पुगेको छ । 

तर यसको औपचारिक निर्णय भने आयोगले सोमवार मात्र गर्ने भएको छ । अदालतको आदेश अनुसार आयोगले छलफल गरिरहेको आयोगका प्रवक्ता नबराज ढकालले आजभोलिलाई जानकारी दिए । ‘अदालतको आदेशको कार्यान्वयन गर्नबारे गम्भीर छलफल भइरहेको छ, अदालतको आदेशको मर्म र भावना अनुसारको निर्णय गरेर पत्राचार गर्छौ’ ढकालले आजभोलिसँग भने ।

यसअघि आयोगले प्रदेश र प्रतिनिधि सभाका लागि एउटै मतपत्रको व्यवस्था गरेको थियो । प्रत्यक्षतर्फ छुट्टा छुट्टै मतपत्र छाप्ने निर्णय भएमा मतदाताले अब तीनवटा मत्रतपत्रमा भोट हाल्नु पर्नेछ । 

आयोगले छुट्टाछुट्टै मतपत्र छाप्ने निर्णय गरेमा प्रतिनिधि सभा र प्रदेश सभाका लागि छुट्टा छुट्टै दुईवटा मतपत्र र समानुपातिक तर्फको एउटा मतपत्रमा भोट हाल्नु पर्नेछ । 

समानुपातिक तर्फपनि मतदाताले प्रदेश र प्रतिनिधि सभाका लागि छुट्टा छुट्टै भोट हाल्नु पर्नेछ । समानुपातिक तर्फको मतपत्र रातो छ भने प्रत्यक्ष तर्फको मतपत्र सेतो भूईमा हरियो मसीले छापेको हुनेछ ।

  • १२ कार्तिक २०७४, आईतवार प्रकाशित

  • Nabintech
  • १. माननीय ज्यू, अब लोकमानको महाअभियोग के हुन्छ ?
  • २. अर्थपूर्ण समाज निर्माणका लागि सहकारी ऐन कार्यन्वयन आवश्यकता – संसाद फुयाँल
  • ३. महानगरले भन्यो, खाना खुवाउने हो भने घरलगेर खुवाउनु खुलामञ्चमा खुवाउँदा सरकारको इज्जत गयो
  • ४. गिरिजा-प्रचण्डले अर्ज्याको गणतन्त्रमा ओलीराज !
  • ५. सरिता गिरीको दाबी, मधेश अलग राष्ट्र हो !
  • ६. अमेरिकामा गोली हानी नेपालीको हत्या
  • ७. कालंगा हाइड्रोको व्यापक आलोचनाः सबैको प्रश्न, चीर-बुंगलका जनताले के पाए ?
  • ८. विकल्प कि निर्विकल्प ? (फरक राजनीतिक विश्लेषण)
  • ९. स्ववियु निर्वाचन र नेविसघंको भूमिका
  • १०. नेकपा अर्थात् गफाडी क्लब !