काठमाडौं । नेकपा एमालेका अध्यक्ष केपी ओलीका झापाका मुख्य सहयोगी पदम गौतम काँग्रेसमा प्रवेश गरेका छन् । उनी काँग्रेस प्रवेश गरेको खबर पाउँदा बालकोटमा रूवाबासी भएको खबर आजभोलीलाई प्राप्त भएको छ । उनलाई झापामा अोलीको दाहिने हातका रूपमा चिनिन्छ ।
उनको काँग्रेस प्रवेशले एमाले झापालाई ठूलो धक्का लागेको छ । एमाले अध्यक्ष केपी ओलीझापाबाट चुनाव लड्ने भनिरहँदा उनको काँग्रेस प्रवेशले अाफ्नो हार हुनी भन्दै बालकोटमा रूवाबासी भएक बालकोट निकट स्रोतले आजभोली टिमलाई बतायो ।
निर्वाचनको मुखैमा यी नेताहरुको काँग्रेस प्रवेशले काँग्रेसलाई झापामा केही सहज हुने भएको छ भने आफ्नो सहयोगी गुमाउँदा एमाले अध्यक्ष ओलीलाई भने ठूलो झड्का लागेको छ।
गौतम सोमबार प्रधानमन्त्री निवास बालुवाटारमा आयोजित कार्यक्रम काँग्रेस पार्टी प्रवेश गरेका हुन् । उनी एमालेबाट तीन पटकसम्म गाविस अध्यक्ष बनिसकेका र गाउँ विकास समिति राष्ट्रिय महासंघका सचिवालय सदस्य समेत बनिसकेका व्यक्ती हुन् ।
उनलाई काँग्रेसका शीर्ष शीर्ष नेताहरु, झापा गृह जिल्ला भएका काँग्रेसी नेताहरुका साथमा प्रधानमन्त्री एवं काँग्रेस सभापति शेर बहादुर देउवाले काँग्रेसमा प्रवेश गराएका थिए । साविकको तोगाछी गाउँ विकास समितिका उनीसँगै पदम बहादुर पौडेल, दिपक खड्का, मनोहर पौडेल, रुपा पौडेल, फडिन्द्र खडेका लगायतका एमाले नेताहरु काँग्रेसमा प्रवेश गरेका थिए ।
