काठमाडौं । तनहुँ १ बाट बागी उम्मेदवारी दिएका नेपाली काँग्रेसका पूर्व सहमहामन्त्री गोविन्दराज जोशीको उम्मेदवारी धरापमा पर्ने भएको छ । विशेष अदालतबाट भ्रष्टाचारी ठहर भएका जोशीको उम्मेदवारी कानुनअनुसार अयोग्य भएको कानुनविदहरुले जिकिर गरेका छन् ।
अधिवक्ता लेखनाथ निरौलाले भ्रष्टाचारी ठहर भएकोले जोशीको उम्मेदवारी कानुन अनुसार रद्द हुनुपर्ने बताउँछन् । अधिवक्ता निरौलाले भने प्रतिनिधसभा सदस्य निर्वाचन एेन अनुसार जोशीको उम्मेदवारी गैरकानुनी छ ।
प्रतिनिधसभा सदस्य बन्नको लागि भ्रष्टाचारको अभियोग नलागेको व्यक्ती हुनुपर्ने व्यवस्था प्रतिनिधसभा सदस्य एेनमा उल्लेख छ ।
जोशीले बिहीबार तनहुँ–१ बाट बागी उम्मेदवारी दर्ता गराएका छन् । त्यस क्षेत्रमा कांग्रेसबाट वरिष्ठ नेता रामचन्द्र पौडेलले उम्मेदवारी दिएका छन् । आफूले नपाएपछि जोशीले स्वतन्त्र रुपमा उम्मेदवारी दर्ता गराएका हुन् ।
