काठमाडौं । प्रदेश नम्बरको ७ को मुख्यमन्त्रीमा नेपाली कांग्रेसका युवा नेता नरेश बहादुर सिंहको मुख्य दाबेदार मानिएको छ । अरु जिल्लाका उम्मेद्वार भन्दा उनी बलिया र सक्षम रहेका छन् । बझाङ्ग को ख बाट प्रदेश सभाका उम्मेद्वार बनेका सिंह प्रदेश नम्बर ७ मा अनुभवी नेता हुन् । उनले निर्वाचित भएमा उनी मुख्यमन्त्रीका सबै भन्दा बलिया उम्मेद्वार मानिएका छन् ।
यस अघि उनी केन्द्रीय राज्यमन्त्री भइसकेका छन् । बझाङ्गमा युवा लोकप्रिय नेताका रुपमा परिचित सिंह स्थापित नेता हुन् । बझाङ्ग ख कांग्रेसको बलियो क्षेत्र हो । यस अघि लोकराज जोशी र डा. सुरेश मल्ल अत्याधिक मतले विजय भएका थिए ।
२०७0 सालको निर्वाचनमा पनि संविधान सभाको निर्वाचनमा सिंह झिनो मतान्तरले पराजित भएका थिए । त्यस बेला नेपाली कांग्रेसका पूर्व सभापति सत्यराज भण्डारी बागी उम्मेद्वार बनेका थिए । जसको कारण सिंह पराजित भएका थिए ।
अहिले प्रदेश सभाको निर्वाचनमा उनको सम्भवना निकै बलियो रहेको छ । बामगठबन्धनबाट माओवादी केन्द्रकी देवकी मल्ल उम्मेद्वार बनेपछि झन उनको सम्भावना बढेको छ । कमजोर उम्मेद्वार मानिएकी मल्लका सामु कांग्रेसका सिंह राजनीतिक रुपमा निकै बलिया मानिएका छन् ।
