प्रकाश अधिकारी
भानु । नेपाली काग्रेसका वरिष्ठ नेता रामचन्द्र पौडेललाई लक्षित गरी तनहुँको भानु १० नेपाल डाँडामा प्रेसर कुकुर वम प्रहार भएको छ ।
करिब ३ बजेको समयमा पौडेललाई लक्षित गरी वम प्रहार भएको हो । वमप्रहारबाट पौडेल सवार साधानको सिसा फुटेको छ । पौडेल र उनीसंग रहेका टोलीका सदस्यहरु भने सुरक्षित छन् ।
वरिष्ठ नेता पौडेल गोरखा र लम्जुङको कार्यक्रममा सहभागी हुन जादै थिए ।
त्यसैगरी रौतहट चन्द्रनिगाहपुरमा शनिबार अपरान्ह भएको वम विस्फोटमा परि ९ जना घाईते भएका छन भने ३ को अवस्था गम्भीर रहेको छ । वाम गठबन्धनको कार्यक्रमलाई लक्षित गरि गराइएको वम विस्फोट कस्ले गराएको हो भन्ने बारेमा खुल्न सकेको छैन ।
चन्द्रनिगाहरपुरको राधाकृष्ण मन्दिर नजिक आयोजित वाम गठबन्धनको कार्यक्रम समापन भएर चिया खाजा खाँदै गर्दा विस्फोट भएको बताइएको छ । प्रहरीका अनुसार टाइम बम विस्फोट गराइएको हो । घाईतेहरुलाई उपचारका लागि भरतपुर पठाइएको छ । बम विस्फोट पछि घटनास्थल नेपाली सेनाको नियन्त्रणमा रहेको छ ।
