कञ्चनपुर । चालकाको लापरवाहकिो कारण यात्रु वाहक म्याजिक महाकालीमा दुर्घटना भएको छ् । दुर्घटना हुदा ३ जना यात्रु गम्भिर घाईते भएका छन् भने एक जना सामान्य घाईते भएको प्रहरीले जनाएको छ् ।
आज अपरान्ह महाकाली नगरपालिकाको कुतियाकवरबाट झोलुङ्गे पुल तर्फ आउदै गरेको म १ ज १६९ नम्वरको यात्रु वाहक म्याजिक महाकाली नगरपालिकाको वडा नं। ६ स्थित पुरानो बस्ती नजिक दुर्घटनामा परेको ईलाका प्रहरी कार्यालय दोधारा चाँदनीका प्रहरी निरिक्षक नरेन्द्र बहादुर चन्दले जानकारी दिएका छन् ।
दुर्घटनामा परि महाकाली नगरपालिका वडा नं. ९ का अन्ताजी वर्ष ६० का ललित बुढा, वडा नं। १० का अन्ताजी ४२ वर्षिय कुम्भराज गिरी, वडा नं. ४ का अन्ताजी वर्ष ६२ का चन्द्रकला खत्री गम्भिर घाईते भएको बताईएको छ भने भारत बसोबास गर्ने पार्वती थापा मगर सामान्य चोट आएपछि उपचार पछि घर फर्किसकेको प्रहरीले जनाएको छ् ।
गम्भिर घाईते भएका तिनै जनाको उपचारको लागी महाकाली अञ्चल अस्पताल पुगाईएको स्थानियहरुले बताएका छन् । म्याजिक र म्याजिक चालक प्रकाश सुनारलाई प्रहरीले नियन्त्रणमा लिएको ईलाका प्रहरी कार्यालय दोधारा चाँदनीले जनाएको छ ।
