काठमाडौं । प्रतिनिधि तथा प्रदेश सभाको सभाको समानुपातिकतर्फ निर्वाचनमा भाग लिएका ४९ मध्ये ४४ दलको धरौटी जफत हुने देखिएको छ । तोकिएको थ्रेसहोल्ड कटाउन नसक्ने दलको धरौटी जफत हुने कानुनी व्यवस्थाका कारण ती दलको धरौटी जफत हुने भएको हो । सदर मतको कम्तीमा तीन प्रतिशत मत नल्याउने दलको जमानत जफत हुनेछ ।
दलहरुले चुनावी प्रतिस्पर्धाका क्रममा ५० हजार रुपियाँ धरौटी बापत राखेका हुन्छन् । धरौटी जफत हुने दलमा विवेकशील साझा पार्टी, राष्ट्रिय ुप्रजातन्त्र पार्टी, राष्ट्रिय प्रजातन्त्र पार्टी ९प्रजातान्त्रिक०, नयाँ शक्ति, राष्ट्रिय जनमोर्चा, नेपाल मजदुर किसान पार्टी, नेकपा माले लगायतका दलहरु छन् । अब यी दलहरुको राष्ट्रिय रुपमा कुनै मान्यता हुने छैन् । स्वतन्त्र संसदको रुपमा काम गर्नेछन् ।
निर्वाचन आयोगले पहिलो र दोस्रो चरणमा कुल एक करोड पाँच लाख ८७ हजार ५२१ मत खसेको जानकारी दिएको थियो । समानुपातिकतर्फ भने आयोगले आइतवार सार्वजनिक गरेको विवरण अनुसार ९५ लाख ७४ हजार ७४४ मत सदर भएको छ । आयोगले समानुपातिकको कुल मत छुट्टै सार्वजनिक गरेको छैन । तर, सार्वजनिक भएको कुल मत अनुसार भने १० लाख ४२ हजार ७७७ मत बदर भएको छ ।
