काठमाडौं । पृथ्वी जयन्ती तथा राष्ट्रिय एकता दिवस नागरिक मूल समारोह समितिले पृथ्वीनारायण शाहको जयन्तीका दिन राष्ट्रिय विदा घोषणाको माग गरेको छ । उक्त समितिद्वारा आयोजित अन्तरक्रिया कार्यक्रम वक्ताहरुले यस्तो  माग गरेका हुन् । 

वक्ता मध्ये पूर्व मन्त्री श्रीश शम्सेर राणाले केही समययता पृथ्वीनारायण शाहको योगदान र इतिहासलाई केही राजनीतिक दलले नामेट गर्न खोजेको आरोप लगाए । राप्रपाकी सहायक महामन्त्री एवं गायिका मीरा राणाले पृथ्वीनारायण शाहले नेपाललाई अन्य मुलुकको उपनिवेशबाट जोगाएको बताउँदै पृथ्वी जयन्तीका दिन राष्ट्रिय एकता दिवस मनाउँदै राज्यले विदा दिनु पर्ने जिकिर गरिन् । 

पछिल्लो समयमा पृथ्वी जयन्तीलाई राष्ट्रिय एकता दिवसको रुपमा मनाउनु पर्ने आवाज उठ्दै आएको छ । तर। अहिलेसम्म सरकारले कुनै औपचारिक निर्णय भने गरिसकेको छ्रैन् ।