काठमाडौं । नेपाली सेनाद्वारा आयोजित प्रधान सेनापति दोस्रो राष्ट्रिय पुरुष भलिबल प्रतियोगिता आइतबारबाट सुरु भएको छ । प्रधान सेनापति राजेन्द्र क्षत्रीले उद्घाटन गरेको प्रतियोगिता नेपाली सेनाको सैनिक शारीरिक तालिम तथा खेलकुद केन्द्रको कभर्डहल, लगनखेलमा सञ्चालन हुने छ ।
माघ १४ गतेसम्म सञ्चालन हुने प्रतियोगितामा नेपाली सेनाको त्रिभुवन आर्मी क्लब, नेपाल प्रहरी र सशस्त्र प्रहरी बलको एकरएक तथा पाँच विकास क्षेत्रका पाँच भलिबल टिमगरी जम्मा आठ टिमको सहभागिता रहेको छ ।
आइतबार भएको उद्घाटन खेलमा नेपाली सेनाले विजय हासिल गरेको छ । अर्को विभागीय टोली सशस्त्र प्रहरीको एपीएफ क्लवसँगको भिडन्तमा नेपाली सेनाले ३–० को सोझो सेटमा जित हात पार्यो् । आर्मीले सशस्त्रलाई २५—१५, २५—१९ र २५—२० को सोझो सेटमा जित पराजित गर्योश ।
त्यसैगरी अर्को खेलमा नेपाल प्रहरीले मध्यमाञ्चललाई ३–० को सोझो सेटमा पाखा लगायो । पुलिसले मध्यमाञ्चललाई २५—१०, २५—१७ र २५—१९ को सेटमा जित हासिल गर्योम ।
प्रतियोगिताका प्रथम, द्वितीय र तृतीय हुने विजेता टिमलाई क्रमशः रु।३ लाख, रु।१ लाख ५० हजार र रु।७५ हजार नगद पुरस्कार र उत्कृष्ट स्पाईकर, ब्लकर, डिफेण्डर, लिफ्टर र कोचलाई समेत १०र१० हजार नगद पुरस्कारको प्रदान गर्ने जनाइएको छ । त्यसैगरी प्रतियोगिताभरिकै उत्कृष्ट खेलाडीलाई गोल्छा अर्गनाइजेसनले पल्सर मोटरसाईकल प्रदान गर्ने जनाएको छ ।