अछाम । अछामको घोडासैनमा २५ के.जी.भन्दा बढीे तौल भएकोे फर्सी फलेको छ । त्यो पनि एउटै बोटमा ६ ओटा । युवा उद्यमी कृष्ण देवकोटाले एउटै बोटमा ६ भन्दा फर्सी फलेको जनाए ।
सबै २५ के.जी. भन्दा बढी तौल रहेको जनाए । अचम्मको कुरा के छ भने, गाउँमा १ सय ५० जना भन्दा बढी जन्तीले पनि एउटा फर्सी खान सकेनन् ।
ती फर्सीहरु घोडासैन ७ का कृषक विष्णु प्रसाद उपाध्यायको बारीमा फलेका हुन् । उक्त गाउँमा सिचाइको अभाव भए पनि कृषकले मेहनत गरेर फर्सी फलाएका हुन् । घरमा ठूल्ठूला फर्सी छन् तर बजार अभावको कारण विक्री वितरण गर्न नसकिएको उपाध्यायले जनाए ।
सडक नपुगेको कारण उक्त फर्सी बजारसम्म पु्र्याउन नसकिएको जनाए । बोकेर लैजान सम्भव नभएकाले फर्सी बारीमै रहेको बताए । विक्री गर्न नसकेपछि आफ्नै घरपरिवार तथा छिमेकीलाई बाड्ने उनले जनाए ।
कृषकले यति महेनत गरेर फलाएको फर्सीप्रति जिल्ला कृषि कार्यालय बखेबर छ । न त उसले कृषकालाई सहुलियत दिएको छ । नत बजारिकरणमा सहयोग गरेको छ । यसले गर्दा कृषक मारमा पर्दै आएका छन् ।
