काठमाडौं । उपत्यकामा सिटी मेट्रो प्रालिले शुक्रवारबाट अपाङ्गमैत्री बस सञ्चालनमा ल्याएको छ । पहिलो चरणमा १५ वटा बस सञ्चालन हुने जनाइएको छ । एउटा बसमा ४४ वटा सिट रहेका छन् । अपाङग, ज्येष्ठ नागरिक र बालबालिकालाई बसमा चढ्नका लागि सहज हुने व्यवस्था गरिएको जनाएको छ ।
पहिलो चरणमा १५ वटा बस सञ्चालन हुने जनाइएको छ ।
भौतिक पूर्वाधार तथा यातायात राज्यमन्त्री सीताराम महतोले समारोहबीच उक्त बसको उद्घाटन गर्दै उपत्यकामा बाटो सुधार र यातायातका साधनले भइरहेको प्रदूषण न्यूनीकरणका लागि सरकार गम्भीरताकासाथ कार्य गरिरहेको बताए ।
उक्त प्रा लि.का अध्यक्ष हेमेन्द्र शेरचनले आधुनिकतासँगै यातायातका साधन आउन पनि आवश्यक रहेको चर्चा गर्दै फरक शारिरिक क्षमता भएका व्यक्तिका लागि यस्ता सुविधाजनक बसले सहजता ल्याउने बताए ।
