भारत, । भारतको श्रीनगर नजिकै पाँच जना भारतीय सुरक्षाकर्मी शनिबार बाक्लो हिउँमा पुरिएका छन् । सो ठाउँमा केहीदिन अघि मात्रै २० जना व्यक्ति पनि हिउँमा पुरिएको भारतीय सेनाका प्रवक्ताले जानकारी दिनुभएको छ ।

हिउँमा पुरिएका सहकर्मीहरुको अझै खोजीकार्य जारी रहेको उहाँले बताउनुभयो । अरु १५ जना भारतीय सुरक्षाकर्मीहरु पनि हिउँमा पुरिएकोमा दुइदिन पछि मात्रै उनीहरुको शव हिउँबाट निकालिएको थियो । त्यसैगरी यही हप्ता पाँच जना नागरिक पनि हिउँमै पुरिएका थिए । उनीहरुमध्ये चार जना एकै परिवारका रहेका थिए ।

हरेक वर्षको जाडोको समयमा यस क्षेत्रमा दर्जनाँै भारतीय र पाकिस्तानी सुरक्षाकर्मीहरुको हिउँमा पुरिएर मृत्यु हुने गरेको छ ।