रौतहट । प्रधानमन्त्री पुष्पकमल दाहाल प्रचण्डले एक कार्यक्रममा हिमाल पहाड र तराईका माग र अधिकारका लागी १० वर्षे जनयुद्ध गरेको बताए । प्रचण्डले पहाड हिमाल मधेशका हक अधिकारको लागी संविधान संसोधन प्रक्रियालाई सहमतिद्धारा टुङ्गयाइ छिटो भन्दा छिटो निर्वाचन गराउने बताएका छन ।
जनयुद्धको उपलब्धीलाई स्थापित गर्नका लागी सविधान संशोधन अपरिहार्य रहेको उनले बताएका थिए । निर्वाचन गराउनका लागी संविधान संशोधन प्रक्रिया आपसी सहमति र बैठकद्धारा गम्भीर रुपले छलफल गरी निर्णय गर्न आवश्यक रहेको बताएका थिए ।
राजनीतिक अस्थिरताका कारण देश संक्रमणकालीन अवस्थाबाट गुज्रिरहेकोले राजनीतिक स्थिरता कायम गर्न पहल भइ रहेको प्रधानमन्त्री प्रचण्डले दावी गरेका थिए ।
मधेशको विकासका लागी बाटो विस्तार तथा सडक बचाउ अभियान सफल गर्न वर्तमान सरकार अगाडी बढ्ने प्रतिवद्धता व्यक्त गरे । आर्थिक सम्वृद्धि विकासका लागि कृषी ऋणलाई बढाउने जानकारी दिए । सोही क्रममा जिल्लाका माध्यमिक स्तरका छात्रालाई १५ सय साइकल वितरण कार्यक्रमलाई वितरण गर्दै सोही मञचबाट धन्यवाद व्यक्त गरे । जनता माध्यमिक सोनरनियालाई १० लाख विज्ञान अध्ययन प्रवृद्धिका लागि प्रधानमन्त्रीले दिने घोषणा गरेका थिए ।
हुलाकी राज्य मार्गलाई प्रथम प्राथमिकतामा राखेको घोषणा गरेका थिए । गौर राइस मिलको जग्गा अधिग्रहण गर्ने प्रतिवद्धता जनाउदै जिल्लाका भुमाफियालाई कार्यवाही गर्न समेत निर्देशन दिए । रौतहटका गाविस जिगडवामा मुशायारा कार्यक्रम लाई उद्घाटन गर्दै मुस्लिम समुदायको हक अधिकार सुनिश्चित गर्ने बताए
