बीरगंज । नेपाली कथानक चलचित्र हुर्रेमा अभिनय गरेका कलाकारहरुको टोलीले शनिवार पत्रकार सम्मेलनगरि फिल्मको विषयमा जानकारी गराएको छ।
बीरगन्जको कन्ट्री इन होटलमा आयोजित पत्रकार सम्मेलनमा फिल्मको नायिका केकी अधिकारीले चलचित्रमा आफूले तपस्वी ऋषि सत्य युगको अप्सरा मेनकाको भूमिका निर्बाह गरेको बताएकी हुन् ।
फिल्म ’राज्जा रानी’ मा पनि शीर्ष भूमिकामा देखिएकी केकी अधिकारीकै वरीपरि फिल्मको कथा घुमेको छ । चलचित्रमा केकी अधिकारी र अनुप विक्रम शाही दोस्रो पटकसगै देखिंदै छन् । चलचित्रमा केकी अधिकारी, अनुप बिक्रम शाही, अंकित खडका, संगिता नापित लगायतले अभिनय गरेका छन्।
त्यस्तै हास्य कलाकार राजाराम पौडेलले सबै कलाकार आफ्नो क्यारेक्टरमा भिजेर अभिनय गरेको बताए । १ महिनासम्म काठमाडौको पशुपतिक्षेत्रमा छायाङ्गकन गरिएको फिल्म हुर्रे कमेडियन फिल्म भएकोले दर्शकले मनपराउने कलाकारहरुले बिश्वास व्यक्त गरेका थिए ।
यम थापाले निर्देशन गरेको चलचित्र हुर्रेको निर्माण दाबा लामा, सोनम लामा र क्षिरिड शेर्पाले गरेका हुन् । कार्यक्रमको सहजिकरण हेमन्त तमाङले गरेका हुन्।
