काठमाडौँ । सर्वोच्च अदालतका प्रधानन्यायाधीश गोपालप्रसाद पराजुलीले बिहबिार राष्ट्रपति विद्यादेवी भण्डारीसमक्ष प्रधानन्यायाधीश पदबाट राजीनामा दिएका छन् । उमेरसम्बन्धी विवादमा पर्नुभएका पराजुलीलाई न्यायपरिषद्का सचिवले कानुन विपरित गत साउन २१ मै अवकाश भइसकेको भनी बुधबार पत्राचार गरेको थिए । विवदा चर्केपछि प्रधानन्यायधिश पराजुलीले शीतल निवास पुगी पदबाट राजीनामा दिएका हुन् ।
उनको राजीनामापछि सर्वोच्च अदालतमा आजैदेखि वरिष्ठतम् न्यायाधीश दीपकराज जोशीले कायममुकायम प्रधानन्यायाधीश भई पेशी तोक्न शुरु गरको छन् ।
प्रधानन्यायधीश गोपाल पराजुली आज सर्वोच्च अदालत अनुपस्थित भएपछि न्यायधीश दीपकराज जोशीले पेशी तोक्नुभएको हो ।
जन्ममिति विवादका सम्बन्धमा न्यायपरिषदका सचिव नृपध्वज निरौलाले प्रधानन्यायाधीश पराजुलीको पदावधि सकिएको भनी हिजो पत्र काटेपछि उहाँ आज सर्वोच्च अदालतमा हाजिर हुनुभएन ।
अन्यौलताकाबीच सर्वोच्चमा रहेको विवाद केही समयलाई भए पनि किनारा लागेको छ
