चितवन । हेटौडामा सम्मपन्न पार्टी सभापतिहरुको भेलाबाट नेपाली कांग्रेसका सभापति शेर बहादुर देउवा सौराह पुगेका छन् । हेटौडामा जिल्ला पार्टी सभापतिहरुले उनको नेतृत्वको कडा आलोचना गरेका थिए । स्रोतका अनुसार उनी सौराहमा बसेर पार्टीको नयाँ रणनीति बनाउने दाबी गरिएको छ । आरामको लागि सौराह पुगेको भनिए पनि निकै तनाबमा रहेका देउवाले आगामी रणनीति तय गर्नेछन ।

नेपाली काँग्रेसका जिल्ला सभापतिहरुको हेटौँडामा सम्पन्न भेलापछि उहाँ गत शुक्रबारदेखि सौराहास्थित होटल सेभेन स्टारमा बसिरहेका छन् । उनका निजी सचिव भानु देउवाका अनुसार स्थानीय नेता र कार्यकर्ता कसैसँग पनि भेटघाट नगरेको बताए ।

जिल्ला सभापति भेलामा पार्टीभित्रकै अन्य समूहबाट पार्टी नेतृत्वको चर्को आलोचना भएको थियो । तनावमा रहनुभएको ठानिएका पार्टी सभापति देउवा तनाव कम गर्न एक्लै आराम गरिरहनुभएको बताइएको छ । शनिबार काठमाडौँ फर्किने कार्यतालिका भए पनि फर्किएनन् ।

रामचन्द्र पौडेल, कृष्ण प्रसाद सिटौला, महामन्त्री सशांक कोइराला तथा प्रकाशमान सिंह एक ठाउामा आएपछि उनी पार्टी भित्र एक्लिएको अनुमान गरिएको छ । देउवाको आगामी दिन पनि कठिन तथा चुनौतिपूर्ण हुने जनाइएको छ ।