काठमाडौं । नेपाल तरुण दलले आयोजना गरेको शान्तिपूर्ण र्यालीमा नेपाल प्रहरीले हस्तक्षेप गरेको छ । लाठी चार्ज हुँदा नेपाल तरण दलका अध्यक्ष जित जंग बस्नेत लगायतका नेता कार्यकर्ता घाइते भएका छन् ।
तरुण दलद्वारा आयोजित बिरोध कार्यक्रममा प्रहरीले विनाकारण लाठी चार्ज गरेको जनाइएको छ । शनिवार माइतीघर मण्डलामा भएका कार्यक्रम प्रहरीले हस्तक्षेप गर्दा तानबपूर्ण भएको थियो ।
मण्डलामा लाठी चार्ज भएपछि तरण दलको र्याली बानेश्वर पुगेको थियो । बानेश्वरमा पनि प्रहरीले लाठी चार्ज गरी र्याली तितरवितर बनाएको थियो । बानेश्वरमा पनि अश्रुग्यास समेत प्रहार गरेको जनाइएको छ ।
डा. गोविन्द केसी पक्षमा निकालिएको उक्त शान्तिपूर्ण कार्यक्रममा प्रहरीले हस्तक्षेप गरेपछि तनाव सिर्जना भएको थियो । उक्त कार्यक्रममा नेपाली कांग्रेस बझाङ्गका नेता चेतराज बज्याल, प्रेस युनियनका महासचिव अजबाबु सिवाकोटी लगायतका घाइते भएका थिए ।
यता प्रहरीले भने आन्दोलनकारीबाट ढुंगामुढा प्रयोग भएपछि प्रहरीले बल प्रयोग गरेको जनाएको छ । प्रहरी तर्फ पनि इन्सपेक्टरसहित आधा दर्जन प्रहरी घाइते भएको जनाएको छ ।
