काठमाडौं । खप्तड छान्ना गाउँपालिकामा पहिरोमा परी एकै परिवारका चार जनाको मृत्यु भएको छ । र, दुई जना घाइते भएका छन् । उक्त घटना छान्ना गाउँपालिकाका बयाना भन्ने स्थानमा भएको हो ।

शनिबार पहिरोमा परी खप्तड छान्ना गाउँपालिका–६, बयानाका ४५ वर्षीया उजलीदेवी थापा, उनकी बुहारी ३२ वर्षीया महेश्वरी थापा र उनका ६ वर्षीय छोरा कृष्ण थापाको मृत्यु भएको जनाइएको छ । र, सोही ठाउँका २० वर्षीय मंगल थापाको पनि सोही पहिरोमा परी मृत्यु भएको छ ।

उक्त पहिरोमा परी स्थानीय ५ वर्षीय कविराज थापा र रिकेश थापा घाइते भएका छन् ।शनिबार मध्याह्न १२ बजेतिर गाउँनजिकै रहेको शिव मन्दिर गलेगडामा पहिरो जाँदा चौतारामा बसिरहेका र बाटोमा हिँड्दै गरेका उनीहरुको मृत्यु भएको जिल्ला प्रहरी कार्यालयले जनाएको छ ।

घाईतेको स्थानीय स्वास्थ्य चौकीमा उपचार भइरहेको छ । अझ पनि गाउँलेहरु पहिरो त्रासमा रहेको स्थानीयले जनाएका छन् ।