काठमाडौं । कानून, न्याय तथा मामिलामन्त्री शेरबहादुर तामाङले आफ्नो पदबाट राजीनामा दिएका छन् । मन्त्रालयमा पत्रकार सम्मेलन गरी उनले राजीनामा दिएका हुन् । बंगलादेश मेडिकल पढ्ने छात्राको बारमो उनको विवादास्पद अभिव्यक्तिका कारण उनको आलोचना भइरहेको थियो ।
सिंहदरबारस्थित मन्त्रालयमा आज अपराह्न पत्रकार सम्मेलन गरी उहाँले बंगलादेशमा चिकित्सा शिक्षा पढ्न जाने नेपाली विद्यार्थीका सम्बन्धमा आफूले दिएको अभिव्यक्ति विवादित भएकाले नैतिकताका आधारमा प्रधानमन्त्री केपी शर्मा ओलीसमक्ष राजीनामा दिने घोषणा गर्नुभएको हो ।
आफ्नो चारमहीने कार्यकालको उपलब्धिबारे अवगत गराउँदै उहाँले आफू जहाँ रहे पनि सरकारको समृद्ध नेपाल र सुखी नेपालीको अभियानमा सहयोगी रहने बताएका छन् ।
