दमक । झापाको दमकमा विद्युत् सर्ट भई सोमवार बिहान एक होटलमा आगलागी भएको छ , आगलागीबाट करिब २० लाख बराबरको क्षति भएको छ । दमक-५ मा रहेको मुगा होटलमा बिहान ५:३० बजेतिर अचानक पार्टी हलमा आगलागी भएको थियो । उक्त् आगलागीबाट करीब रु २० लाख बढी मूल्यको क्षति भएको होटल सञ्चालक केदार बस्नेतले जानकारी दिए ।
आगलागीबाट हलमा भएका एसी, कुर्सी, टेबल, जिप्सनलगायतका सम्पूर्ण सामग्री जलेर नष्ट भएको उहाँले बताए । आगलागी प्रहरी, स्थानीय बासिन्दाको सहयोगमा आधा घण्टापछि नियन्त्रणमा आएको इलाका प्रहरी कार्यालय दमकका प्रहरी नायब उपरीक्षक श्यामल सुब्बाले बताएका छन् ।
