एजेन्सि । तीन चोटी प्रधानमन्त्री भएका अटल बिहारी बाजपेयी १० पटक लोकसभा र २ पटक राज्यसभामा निर्वाचत भएका थिए । उनी ४७ वर्ष सांसद रहे ।
उनले जीवनमा एक पटक मात्र १९४८ मा कांग्रेसका माधवराज सिंधियासँग हारेका थिए । बाजपेयीले लगारतार १९९ देखि २००९ सम्म लखनउबाट प्रतिनिधित्व गरेका थिए । दोस्रो र चौथो लोकसभामा भने उनी बलरामपुरबाट निर्वाचित भएका थिए । र, छैठौ र सातौं लोकसभा निर्वाचन उनले दिल्लीबाट जितेका थिए ।
उनी १९६६ र १९८६ सम्म राज्य सभामा निर्वाचित भएका थिए । उनले २००५ मा मूम्वइमा भएको भापजाको एक कार्यक्रममा राजनीतिबाट सन्यास लिएका थिए ।
बाजपेयी १९९६ देखि २००४ सम्म तीन चोटी प्रधानमन्त्री भए । पहिलो चोटी उनी १३ दिनको लागि मात्र प्रधानमन्त्री भएका थिए । १९९८ मा १३ महिनाको लागि प्रधानमन्त्री भएका थिए । तर १९९९ देखि २००४ सम्म उनले पूरा पाँच वर्ष प्रधानमन्त्री पद सम्हालेका थिए ।
सधै राजनीतिमा जितेका बाजपेयीले लामो समय संघर्ष गर्दा पनि मृत्युसँग भने हारे । ३६ घण्टाको लामो संघर्षपछि उनलाई डाक्टरहरुले बचाउन सकेनन् । विभिन्न रोगबाट ग्रसित उनी अन्ततः कालसँग भने जित्न सकेनन् ।
भाजपा भित्र निकै लोकप्रिय उनी लामो समयसम्म राजनीतिको मूल केन्द्रमा रही रहे । उनको शालिनता तथा अनुभवले भारतीय प्रधानमन्त्रीहरु मध्ये बाजपेयी निकै रुचाइएका प्रधानमन्त्री हुन् ।
