काठमाडौं । घरमै बसीरहेको बेला एक अज्ञात समूहले नेपाल विद्यार्थी संघका नेता सन्तोष कार्कीको हत्या गरेको छ । नेपाली कांग्रेस ओखलढुंगाका अनुसार कार्कीको हत्या भदौ ५ गते आफ्ने घरमा बसेको अवस्थामा भएको जनाएको छ ।

मोलुङ्ग गाउँपालिकाको हर्कपुरस्थित धारिलो हतियार प्रयोग गरी उनको हत्या भएको पार्टीको जनाएको छ । नेपाली कांग्रेस ओखलढुंगाका सभापति प्रदिप कुमार सुनुवारले एक वक्तव्य जारी गरी दोषीमाथि कारबाहीको माग गरेको छ । घटना घटेको ३ दिन बितिसक्दा पनि दोषीलाई पक्राउ नगरेको भन्दै सभापति सुनुवारले तत्काल दोषीलाई कानुनी दायरमा ल्याउन माग गरेको छ ।

कार्की नेपाल विद्यार्थी संघका जिल्ला नेता हुन । उनी जिल्लाका सक्रिय राजनीति गरिहेका थिए । कसले के कारणले उनको हत्या भएको हो भन्ने एयकिन पत्ता लाग्न सकेको छैन् । प्रहरीले दोषीको खोजी कार्य तिब्र रुपमा भइरहेको जनाएको छ ।