काठमाडौं । शनिवार भएको एसीसी अन्तरगत एशिया कपको तेस्रो खेल नेपालले जितेको छ । आयोजक राष्ट्रलाई १९ रनले पराजित गर्दै नेपाल जिय भएको हो १८९ रनको चुनौती पाएको मलेसियाले ९ विकेटको क्षतिमा पूरै ३० ओभर खेल्दै १६९ रन मात्र बनायो।
।
नेपालको जितका लागि बसन्त रेग्मीले सर्वाधिक ३ विकेट लिए। सोमपाल कामी र सन्दीप लामिछानेले दुईदुई विकेट लिए भने सागर पुन र दीपेन्द्रसिंह ऐरीले एकएक विकेट लिए।
६ ओभर बलिङ गरेका सन्दीप लामिछानेले एक मेडन राख्दै २० रन दिएर मलेसियाको २ विकेट झारेका हुन्। वर्षाका कारण ३० ओभरमा झारिएको खेलमा पहिलो ब्याटिङ गरेको नेपालले ७ विकेट गुमाउँदै मलेसियासामु १८८ रनको स्कोर खडा गरेको थियो।
४८ बल खेलेका आरिफले ५ चौका र २ छक्काको मद्दतमा सर्वाधिक ६४ रन बनाए। दीपेन्द्र ऐरीले ५१ बलमा ५४ रन प्रहार गरे। नेपालका लागि अनिल शाह १६, पारस खड्का १३, सुवास खकुरेल ९, ज्ञानेन्द्र मल्ल ११ र वसन्त रेग्मीले ६ रनको योगदान गरे। सुरुमा खराब ब्याटिङ गरे पनि नेपालका पछिल्लाक्रमका ब्याटस्म्यानले सुधारिएको खेल प्रदर्शन गरे।
File Photo
