काडमाडौं । नेपालले एसीसी एशिया कपमा लगातार दोस्रो जीत हासिल गरेको छ । आइतवार मलेसियामा भएको खेलमा सिंगापुर विरुद्ध ४ विकेटको जित निकालेको छ ।
सिंगापुरले दिएको १५२ रनको लक्ष्य नेपालले २८।१ ओभरमा ६ विकट गुमाएर पूरा गर्यो । टस जितेर पहिले ब्याटिङ गरेको सिंगापुरले ४२ ओभरमा अल आउट हुँदै १५१ रन बनाएको थियो । नेपालको जितका लागि अनील शाहले सर्वाधिक ४३ रन बनाए । दीपेन्द्रसिंह ऐरी ३३ र ज्ञानेन्द्र मल्लले ३० रनको योगदान गरे ।
त्यसैगरी सुवास खकुरेल र सागर पुनले समान १४ रन, कप्तान पारस खड्काले ११ र आरिफ शेखले नटआउट ४ रन बनाए ।
नेपाल यो जीतसँग चौथो स्थानमा उक्लेको छ । एशिया कप खेल्न छनौट हुने सम्भवना झन बलियो रहेको छ ।
File Photo
