काठमाडौं । नेपाली कांग्रेसका सभापति तथा पूर्व प्रधानमन्त्री शेर बहादुर देउवाले गौरा पर्वको अवसरमा शुभकामना सन्देश दिएका छन् । उनले गौरा पर्वको अवसरमा स्वदेश तथा विदेशमा रहेका सम्पूर्ण नेपालीहरुको सुस्वास्थ्य तथा दिर्घायुको कामना गरेका छन् । उनले गौरा पर्वले सबैमा खुशी छाओस तथा सद्भाव बढाओस् भन्ने शुभकामना दिएका छन् ।

एक वक्तव्य निकाली उनले विविधताले भरिएको हाम्रो समाजमा गर्व गर्न लायक धार्मिक, सांस्कृतिक रीतिरिवाज र परम्परा रहेको र त्यसमध्ये गौरा पर्वले जनजीवनमा गहिरो छाप र विशिष्ट पहिचान बनाएको उल्लेख गरेका छन् ।

विशेषगरी सुदूरपश्चिममा मनाइने यस्ता पर्व सामाजिक सद्भावना बढाउने काममा कोशेढुङ्गा सावित भएको उल्लेख गर्दै सभापति देउवाले यो पर्वले सबैको घरपरिवारमा सुख, शान्ति र समृद्धिको वातावरण सिर्जना गर्दै सामाजिक सद्भाव अभिवृद्धि गर्न प्रेरित गर्न सकोस् भनी शुभकामना दिनुभएको छ ।

गौरा पर्व सुदूरपश्चिमको सबै भन्दा ठूलो र महत्वपूर्ण पर्व हो । आज गौराका अन्तिम दिन हो । आज काठमाडोंमा पनि टुडिखेलमा गौरा पर्व मनाइदैछ ।