ओपेन्द्र बस्नेत, तुलसीपुर । दाङको तुलसीपुरमा बुहारीले बोक्सीको आरोपमा सासुको हत्या गरेको इलाका प्रहरी कार्यालय तुलसीपुरले जनाएको छ ।
प्रहरीले पत्रकार सम्मेलन गरेर तुलसीपुर उपमहागनरपालिका ९ बेलुवा निवासी ६९ बर्षकी सासु खोपी रावतलाई हत्या गरेको आरोपमा ४० बर्षकी बुहारी टंकी रावतलाई सार्वजनिक गरेको हो ।
बुहारीले सासुलाई झारफुक गर्न भन्दै गत भदौ ३ गते सल्यानको कपुरकोट लगेको र पाँच गते फर्कीने क्रममा कपुरकोट गाउँपालिका २ स्थित शिवमन्दिर सामुदायिक वनको भकम जंगलमा हत्या गरेको प्रहरी नायब उपरिक्षक प्रकाश सापकोटाले बताउनुभयो ।
धामी झाँक्रीलाई हेराउँदा घरमै बोक्सी भएको भनेपछि आफूले हत्या गरेको उनले प्रहरीलाई बयान दिएकी छन् ।
