काठमाडौं । नेकपाका प्रवक्ता खड्ग बहादुर विश्कर्मा प्रकाण्डलाई भोजपुर अदालतबाट छुटे लगत्तै पक्राउ परेका छन् । जिल्ला अदालतले धरौटीमा छोड्न् आदेश दिए लगत्तै फेरी पक्राउ गरेको छ । उनीमाथि दाङ अदालतमा मुद्दा रहेको भन्दै फेरी पक्राउ गरिएको हो ।
बुधबार जिल्ला अदालत भोजपुरले थुनछेक बहसपछि तीनओटा मुद्दामा ६० हजार रुपैयाँ धरौटीमा छाड्न आदेश दिएपनि प्रहरीले अदालत परिसरबाटै उनलाई नियन्त्रणमा लिएको हो ।
सर्वोच्च अदालतले पटक–पटक थुनामुक्त गराउन आदेश दिएपनि नयाँ–नयाँ आरोपमा पक्राउ पर्दै आएका विश्वकर्मालाई पछिल्लोपटक निर्वाचनताका भोजपुरमा भएको विस्फोटको आरोप लगाइएको हो ।
तत्कालीन भोजपुर प्रदेशसभा क्षेत्र नम्बर ‘ख’का उम्मेदवार, हाल प्रदेश नम्बर–१ का मुख्यमन्त्री शेरधन राई सवार गाडीमा बम प्रहार गरेको र अरु दुई स्थानमासमेत बम विस्फोट गराएको आरोप उनीमाथि लगाइएको थियो ।