काठमाडौं । नेपाल बङ्गलादेशमा जारी एसीसी अण्डर १९ एशिया कप क्रिकेट प्रतियोगिताको पहिलो चरणबाटै बाहिरिएको छ ।
बङ्गलादेशस्थित क्रिरा शिख मैदानमा सोमबार भएको दोस्रो खेलमा नेपाल अफ्गानिस्तानसँग ३ विकेटले पराजित भएपछि एक खेल अगावै प्रतियोगिताबाट बाहिरिएको थियो ।
पहिलो ब्याटिङ्ग गर्दै नेपालले अफ्गानिस्तानलाई १ सय ३२ रनको विजयी लक्ष्य दिएको थियो । नेपालका लागि रोहितकुमार पौडेलले सर्वाधिक ४९ रन बनाएका थिए । अफ्गानिस्तानले ३७।३ ओभरमा ७ विकेटको क्षतिमा विजयी लक्ष्य प्राप्त गर्यो ।
नेपालका बलर सुर्य तामाङ्गले ४ विकेट लिए । नेपालको तेस्रो तथा अन्तिम खेल संयुक्त अरब ईमिरेट्स् यु ए ई सँग हुनेछ । नेपाल कै समूह ए मा रहेका भारत र अफ्गानिस्तान भने एक खेल अगावै सेमिफाईनलमा प्रवेश गरेका छन् ।
File Photo
