मोरङ । नेपाली कांग्रेसका सभापति शेर बहादुर देउवाले कम्युनिस्ट सरकार अधिनयाकवाद तर्फ उन्मुख भएकाले प्रजातन्त्र जोगाउन अन्तिम पटक लडाइ लड्नु पर्ने बताएका छन् । प्रदेश नम्बर १ स्तरीय राजनीतिक प्रस्ताव संकलन कार्यक्रममा उनले कार्यकर्तालाई लडाइ लड्न तयार रहन निर्देशन दिएका छन् ।
उनले कम्युनिस्ट अधिनायकवादमा प्रजातन्त्र नरहने र निर्वाचन समेत नहुने भएकाले यसका बिरुद्ध लड्नु पर्ने बताए । र प्रजातन्त्र जोगाउनु पर्ने बताए । उनले वर्तामान सरकारले न्यायालयमा हस्तक्षेप गरेका तथा राजनीकिरण गरेको ओरोप समेत लगाएका छन् । उनले अहिलेको सरकार विदेशीको इसरमा चलेको समेत आरोप लगाए ।
सरकार हत्यारा र बलात्कारीको संरक्षणमा लागेका कारण देशमा दण्डहीनता मौलाउ“दै गएको देउवाले बताए । उनले सरकारले नै निर्मलाको हत्यारालाई लुकाएको दाबी पनि गरे । देउवाले भने, ‘सरकारले नै निर्मलाको हत्यारालाई लुकाएको छ ।’ सरकारले चाहेको खण्डमा निर्मलाको हत्यारा पत्ता लगाउन केही बेर पनि नलाग्ने उनको भनाइ छ ।
पार्टी भित्र गुटबन्दी रोकिने र पार्टीलाई नयाँ शिराबाट अघि बढाउने भन्दै देउवाले अव पार्टीको नीति विपरित जानेलाई कारबाही गरिने जानकारी दिए ।
कांग्रेस विधान संसोधनको चरणमा रहेकाले समाजवाद र राष्ट्रियताको पुनःव्यख्या आवश्यक रहेको उनको धारणा छ । कार्यक्रममा संकलन गरिएका सुझाव मंसिर २८ देखि पुस ३ गतेसम्म काठमाडौंमा हुनेछ ।
