काठमाडौं । हलिउड स्टार तथा शारिरीक सुगठनका बादशाह मानिने आर्नोल्ड स्वान्सटेइगरको संस्था अन्तराष्ट्रिय फिटनेश फर बडिबिल्डिङ प्रोफेश्नल लिगले नेपालमा पनि अन्तराष्ट्रिय प्रतियोगिता गर्ने भएको छ ।
अन्तराष्ट्रिय संस्थाबाट स्वीकृति लिएर धर्मश्री विजेता सानु गुरुङको संयोजनमा नेपालमा सन् २०१९ को फेब्रुअरी १५ र १६ गते नेपालमा अहिलेसम्मकै ठुलो बडिबिल्डिङ प्रतियोगिता गर्ने भएको हो ।
प्रोफेस्नल लिग नेपाल बडिबिल्डिङ च्याम्पियनसिप नाम रहेको प्रतियोगितामा अन्तराष्ट्रिय बडिबिल्डरको पनि सहभागिता रहनेछ । प्रतियोगिताका लागि विश्व बडिबिल्डिङका चर्चित ब्यक्ति बब चिकोरिलो नेपाल आउने पक्का भएको छ ।
नेपालमा पहिलो पटक हुन लागेको यो प्रतियोगितामा २० भन्दा बढी देशका खेलाडीले भाग लिने आयोजकले बताएको छ ।
शुक्रबार आयोजना गरिएको पत्रकार सम्मेलनमा बोल्दै कार्यक्रमका संयोजक सानु गुरुङले प्रतियोगितामा २०० खेलाडीको सहभागिता रहने बताउनुभयो ।
