चित्र माया श्रेष्ठ, डडेल्धुराको भागेश्वर गाउँपालिकामा रहेको छाउपडी प्रथालाई हटाउन गाउँसभाबाटै ‘मर्यादित छाउपडी वर्ष २०७५’ घोषणा गरेका हुन्। छाउपडी प्रथाको अन्त्यका लागि ‘मर्यादित छुई वर्ष अभियान’ थालिएको गरिएको गाउँपालिकाका अध्यक्ष कौशिला भट्टले बताएकी छिन्।
देउता रिसाउने डरले छाउपडी भएका महिला घरभन्दा बाहिर छाउगोठमा बस्नु पर्ने र छाउपडी भएका बेला दूध, दही, घ्यूलगायतका खानेकुरा खाए देवी रिसाउने जस्ता परम्परा र कुरीतिलाई हटाउन चेतनामूलक अभियान अगाडी बढाउन थालिएको उनको भनाइ रहेको छ।
“अभिभावकहरुले छाउपडी भएका बेला विद्यालय जानबाट बञ्चित गरिएको भेटिएमा वा छाउपडी भएका महिलालाई छाउगोठमा राखिएको पाईएमा गाउँपालिकाबाट पाउने सेवा सुविधाहरु नै कटौती गर्ने निर्णय गरेका छन्,” उनले बताउछिन् ।सो निर्णय हालै भएको गाउँसभाबाट पारित गरिएको हो।